​சினையாக இருந்த ஆட்டை கூட்டு பாலியல் வன்கொடுமை செய்ததாக 8 பேர் மீது புகார்!

July 29, 2018 4 views Posted By : shanmugapriyaAuthors
Image

ஹரியானாவில் சினையாக இருந்த ஆடு ஒன்றை கூட்டு பாலியல் வன்கொடுமை செய்து கொன்ற 8 பேரை போலீசார் தேடிவருகின்றனர். 

ஹரியானா மாநிலம் மேவத் நகரைச் சேர்ந்த ஒருவர் ஆடுகளை வளர்த்துவரும் நிலையில், அதில் சினையாக இருந்த ஆடு ஒன்று சில நாட்களுக்கு முன் காணாமல் போனது. தேடிப்பார்த்த போது அந்த ஆடு அதே பகுதியில் உயிரிழந்த நிலையில் மீட்கப்பட்டது. 

இந்த நிலையில், ஆட்டின் உரிமையாளர், சினையாக இருந்த தனது ஆட்டை பாலியல் வன்கொடுமை செய்து கொன்றதாக அப்பகுதியைச் சேர்ந்த எட்டு பேர் மீது புகார் அளித்துள்ளார். இது குறித்து போலீசார் வழக்குப்பதிவு செய்து விசாரித்துவருகின்றனர்.

Categories: India
Image

​40 பேரால் 4 நாட்கள் பாலியல் வன்புணர்வுக்கு ஆளாக்கப்பட்ட இளம்பெண்!

July 21, 2018 0 views Posted By : shanmugapriyaAuthors
Image

22 வயது பெண் ஒருவர், 40 ஆண்களால் 4 நாட்கள் பாலியல் வன்கொடுமைக்கு ஆளாக்கப்பட்ட சம்பவம் பெரும் அதிர்ச்சியை ஏற்படுத்தியுள்ளது.

சண்டிகரை சேர்ந்த பெண் ஒருவர் வேலை தேடுவதற்காக ஹரியானாவிற்கு சென்ற அவர், அங்குள்ள விடுதி ஒன்றில் தங்கியுள்ளார். அப்பொழுது, அவருடைய கணவருடைய நண்பர் ஒருவர், அந்த பெண்ணுக்கு ஓய்வு விடுதியில் வேலை கொடுப்பதாக கூறி அங்கு அழைத்துச்சென்றுள்ளார். 

அங்கு, அப்பெண்ணை பாலியல் வன்புணர்வுக்கு ஆளாக்கியிருக்கிறார். அதுமட்டுமல்லாமல், அங்கு நடந்த சம்பவத்தை பற்றி யாரிடமும் கூறக்கூடாது எனவும் அப்படி கூறினால் அந்த பெண்ணையும் அவருடைய கணவனையும் கொலை செய்துவிடுவதாக மிரட்டியுள்ளார். மேலும், அங்கு வந்த மற்ற ஆண்களும் அப்பெண்ணை பாலியல் வன்கொடுமைக்கு ஆளாக்கியுள்ளனர். அங்கிருந்து தப்பி வந்த பெண், காவல் நிலையத்தில் இது குறித்து புகார் அளித்துள்ளார்.

அந்த புகாரின் அடிப்படையில், ஓய்வு விடுதியை சேர்ந்த இருவரை போலீசார் கைது செய்தனர். மேலும், இச்சம்பவம் தொடர்பாக விசாரணை மேற்கொண்டு வருகிறனர்.  


 

Categories: India
Image

​இளம்பெண்ணை கடத்தி பாலியல் வன்கொடுமை செய்து நிர்வாண படமெடுத்த கும்பல்!

July 21, 2018 23 views Posted By : shanmugapriyaAuthors
Image

உத்தரபிரதேச மாநிலம் ஷாம்லி அருகே, இளம்பெண்ணை கடத்திச் சென்று பாலியல் வன்கொடுமை செய்து, நிர்வாண படமெடுத்த இருவரை போலீசார் கைது செய்தனர். 

ஷாம்லி மாவட்டம் கோகர்பூர் பகுதியை சேர்ந்த இளம்பெண், பேருந்துக்காக காத்திருந்தார். அப்பொழுது, இருசக்கர வாகனத்தில் வந்த இருவர் அந்த இளம் பெண்ணை காட்டுப்பகுதிக்கு கடத்தி சென்று கூட்டு பாலியல் வன்புணர்வுக்கு உள்ளாக்கியுள்ளனர். மேலும், அதனை அவர்களது செல்போனில் படமெடுத்தனர். 

பின்னர், அவர்களிடம் இருந்து தப்பிய பெண், அருகில் உள்ள போலீசாருக்கு தகவல் தெரிவித்தார். அதன் அடிப்படையில் இருவரை கைது செய்து போலீசார் மேலும் ஒருவரை தேடி வருகின்றனர். பாதிக்கப்பட்ட இளம்பெண், சிகிச்சைக்காக மருத்துவமனையில் அனுமதிக்கப்பட்டுள்ளார். 

பெண்களுக்கு எதிரான பாலியல் வன்கொடுமை சம்பவங்கள் தற்பொழுது அதிகரித்துவருவது குறிப்பிடத்தக்கது. 

Categories: India
Image

பாலியல் வன்புணர்வும் உளவியலும்...!

July 20, 2018 44 views Posted By : shanmugapriyaAuthors
Image

சென்னையைச் சேர்ந்த பள்ளிச் சிறுமிக்கு பாலியல் ரீதியாக இழைக்கப்பட்ட அநீதி, நாடு முழுவதும் அதிர்வலைகளை ஏற்படுத்தியிருக்கிறது. அதே நேரம், பாலியல் குற்றவாளிகளின் மனநிலையில் இருந்து இப்பிரச்சனையை அணுக வேண்டியதன் அவசியத்தையும் புறம் தள்ளிவிட முடியாது. தண்டனைகளை கடுமையாக்கினால், இதுபோன்ற சம்பங்கள் குறையுமா என்ற கேள்வியும் எழுகிறது. 

ஏன் இந்தியா 'செக்ஸை' பற்றி வெளிப்படையாக பேச மறுக்கிறது? ஆனால் கொடூர பாலியல் வன்புணர்வுகளாக இதே செக்ஸ் சமூகத்தில் தவறான வழியில் வெளிப்படும் போது வெகுண்டெழுகிறது. இந்த தொடர் முரணின் விளைவுதான், தொடரும் பாலியல் வன்கொடுமைகளுக்கான காரணமா? இந்த கேள்விகளுக்கான விடையை தேடுகிறது இந்த செய்தி தொகுப்பு. 

ஒவ்வொரு முறையும் பாலியல் துஷ்பிரயோகத்திற்கும், தீவிர வன்கொடுமைக்கும் ஆளாகும் குழந்தைகள் மற்றும் பெண்களுக்கு உருதுணையாக நாம் இருக்க மறப்பதுமில்லை, மறுப்பதுமில்லை. ஆனால் அதே நேரம் இந்த கொடுமைகளை இழைக்கும் ஆண்களின் உளவியலை ஆராய வேண்டிய கட்டாயத்தில் நாம் இருக்கிறோம்.

பாலியல் குற்றவாளிகள் சார்ந்து ஃப்லோரிடா அட்லாண்டிக் பல்கலைக்கழகம் வெளியிட்ட பல ஆய்வறிக்கைகளில், பாலியல் பலாத்காரத்தில் ஈடுபடும் ஆண்களை 5 விதமாக பிரிக்கிறார்கள். முதலாவதாக, சமூக, பொருளாதார மற்றும் பாலுணர்வு குறைப்பாட்டால் விரக்தியடைந்தவர்கள்  இது போன்ற வன்புணர்வு சம்பவங்களில் ஈடுபடுகிறார்கள் என்றும், இரண்டாவதாக இருவரின் சம்மதத்தோடு நடக்க வேண்டிய பாலியல் உறவை விரும்பாமல், பெண்களை வற்புருத்தி பாலியல் துன்புறுத்தலில் ஈடுபடுத்தி, அந்த பெண்ணின் வலியில் சுகம் காண்பது, மூன்றாவதாக, பெண்களின் பலவீனத்தை பயன்படுத்தி, அவர்கள் தாக்கப்படத்தக்க இரையாக இருக்கிறார்களா என்பதை தெரிந்துக்கொண்டு அவர்களை பாலியல் வன்புணர்வுக்கு ஆளாக்குவது.

இந்நேரத்தில் இந்தியாவில் எழுப்பப்பட வேண்டிய முக்கியமான கேள்வி, சமூக பொருளாதார காரணிகள் நடுத்தர மக்களின் பாலுணர்வு வாழ்க்கையில் என்ன தாக்கத்தை ஏற்படுத்துகின்றன என்பதைத்தான். பாலியல் உறவுக்கான நோக்கத்தின் அளவுகோளை (பாலியல் உறவில் அடையும் திருப்தியை) இந்த காரணிகள் தீர்மானிக்கின்றன என்று உளவியல் நிபுணர்கள் தெரிவிக்கின்றனர். அதுமட்டுமின்றி பாலியல் குற்றவாளிகளின் வாழ்வில் நடக்கும் சம்பவங்கள், அவர்களுக்கு ஏற்பட்ட கசப்பான அனுபவங்கள் இதில் முக்கிய பங்கு வகிக்கின்றன என்றும் தெரிவிக்கின்றனர். நிர்பயா, கத்துவா சம்பவம், அயனாவரம் சிறுமிக்கு நேர்ந்த கொடுமை என நட்டையே உலுக்கிய கொடூர சம்பவஙகளில் இருந்த ராம் சிங் முதல் குற்றம் சாட்டப்பட்டுள்ள ரவிக்குமார் வரை அனைவருமே சமூக பொருளாதார ரீதியில் பின் தங்கியவர்களாகவே இருக்கின்றனர். லாரி ஓட்டுநர், ஓட்டுநர் உதவியாளர், பழம் விற்பவர், லிஃப்ட் ஆப்ரேட்டர், பிளம்பர், செகியுரிட்டி, ஹவுஸ் கீப்பிங் போன்ற தொழிலையே செய்பவர்களாக இருக்கின்றனர். 

பாதிக்கப்பட்டவர்களாக இருந்தால், பெண்களை என்ன வேண்டுமானாலும் செய்துவிடலாமா? என்ற கேள்வி எழலாம். ஆனால் குற்றக்காரணிகளின் 100 சதவீதத்தில், காம இச்சைகளையும் தாண்டி, இது போன்ற காரணிகள் மிக முக்கிய பங்கு வகிக்கின்றன. 

குற்றவாளிகள் அவர்களின் சொந்த வாழ்வில் பாலியல் ரீதியாக திருப்தியடையவில்லையா? அவர்களின் கடந்த கால வாழ்வின் மோசமான பக்கங்கள் அவர்களுக்குள் ஏற்படுத்திய வெற்றிடத்தை, பெண்கள் மீது பாலியல் அதிகாரமாக செலுத்துகிறார்களா? அதன் உச்சம் தான் இத்தகைய கொடூர பாலியல் குற்றங்களா? ஒருவரின் பாலியல் குணாதீசியங்கள் பிரச்னைக்குரியதாக இருக்கும் பட்சத்தில், அவருக்கு மருத்துவ உதவிகள் தேவைப்படுகிறதா ? இவ்வளவு காரணிகள் இருக்கும் பட்சத்தில் தண்டனைகளை மட்டும் தீவிரப்படுத்தினால் இதற்கு தீர்வு கிடைத்துவிடுமா? என்பன போன்ற கேள்விகள் எழுகின்றன.

வன்புணர்வுக்கு ஆளாக்கபடும் சிறுமிகளின் வலிக்கு முன் இவை அனைத்தும் துச்சம் என நினைத்தாலும்,  நம் சமூகத்தில் நிலை நிறுத்தப்பட வேண்டிய பாலுணர்வு சமத்துவத்துக்கும், பாலியல் குற்றங்களை அடியோடு அகற்ற வேண்டிய தேவைக்கும் இவை நிச்சயமாக அடித்தளமாக அமையும். 

Categories: India
Image

​பாலியல் வன்கொடுமைக்கு ஆளான அயனாவரம் சிறுமிக்கு இன்றே சிகிச்சை அளிக்க வேண்டும்: உயர்நீதிமன்றம்

July 18, 2018 4 views Posted By : shanmugapriyaAuthors
Image

பாலியல் வன்கொடுமைக்கு ஆளான அயனாவரம் சிறுமிக்கு இன்றே மனநல மருத்துவ சிகிச்சை அளிக்க வேண்டும் என, சென்னை உயர்நீதிமன்றம் உத்தரவிட்டுள்ளது. 

சென்னை அயனாவரம் அடுக்குமாடி குடியிருப்பில் 12 வயது செவித்திறனற்ற சிறுமியை பாலியல் வன்கொடுமை செய்த வழக்கில் 17 பேர் கைது செய்யப்பட்டனர். இந்த வழக்கை தாமாக முன்வந்து விசாரிக்க வேண்டும் என வழக்கறிஞர் சூரிய பிரகாசம் உயர்நீதிமன்ற நீதிபதி இந்திரா பானர்ஜி முன் முறையிட்டார். ஆனால் அதை ஏற்க மறுத்த நீதிபதி, காவல்துறையினர் வழக்குப்பதிவு செய்து விசாரணை நடத்தி வருவதால் சட்டப்படி நடவடிக்கை மேற்கொள்ளப்படும் என தெரிவித்தார். 

பாதிக்கப்பட்ட சிறுமிக்கு இன்றே மனநல மருத்துவ சிகிச்சை அளிக்க வேண்டும் என்றும், சிறுமியை குழந்தைகள் நல குழுமத்திடம் ஒப்படைக்க வேண்டிய நடவடிக்கையை தொடங்க, தமிழ்நாடு சட்டப்பணிகள் ஆணைக்குழுவுக்கு தலைமை நீதிபதி இந்திரா பானர்ஜி உத்தரவிட்டார். சிறுமிக்கு தேவையான மனநல ஆலோசனை மற்றும் அவரது பெற்றோருக்கு தேவையான அனைத்து உதவிகளையும் செய்து கொடுக்க நீதிபதி உத்தரவிட்டார். 

அயனாவரம் சிறுமி வழக்கு மட்டுமில்லாமல், இதுபோன்ற அனைத்து வழக்குகளிலும் நீதிநிலை நாட்டப்பட வேண்டும் என தலைமை நீதிபதி இந்திரா பானர்ஜி குறிப்பிட்டார். 

Categories: Tamilnadu
Image

இந்தியாவில் குழந்தைகளுக்கு எதிரான பாலியல் குற்றம் தொடர்பான வழக்குகளின் நிலை என்ன?

July 18, 2018 25 views Posted By : shanmugapriyaAuthors
Image

இந்தியாவில் குழந்தைகளுக்கு எதிரான பாலியல் குற்றங்கள் மற்றும் நீதிமன்றங்களில் உள்ள வழக்குகளின் நிலை குறித்த செய்தி.....

இந்தியாவில் தினமும் 55 குழந்தைகள் பாலியல் பலாத்காரத்திற்கு உள்ளாக்கப்படுகின்றன.

கடந்த 2013 முதல் 2016 வரையிலான மூன்று ஆண்டுகளில், குழந்தைகளுக்கு எதிரான குற்றங்கள் 84 சதவீதம் அதிகரித்துள்ளது.

இந்திய நீதிமன்றங்களில் குழந்தைகளுக்கு எதிரான பாலியல் குற்றங்கள் தொடர்பாக சுமார் ஒரு லட்சம் வழக்குகள் நிலுவையில் உள்ளன.

இந்த வழக்குகளில் நீதிமன்றங்கள் எப்போது தீர்ப்பளிக்கும் என எதிர்பார்த்தால், அதற்கு பல்லாண்டுகள் காத்திருக்க வேண்டும் என்பது அதிர்ச்சியான உண்மை.

உத்தரபிரதேசம் மற்றும் ராஜஸ்தானில் பாலியல் பலாத்காரத்தால் பாதிக்கப்பட்ட குழந்தைகள், தங்கள் வழக்கின் தீர்ப்புக்காக 2026ம் ஆண்டு வரை காத்திருக்க வேண்டும்.

டெல்லி மற்றும் பீகாரில் பாதிக்கப்பட்ட பெண் குழந்தைகள் வழக்கின் தீர்ப்புக்காக 2029ம் ஆண்டு வரை காத்திருக்க வேண்டும்.

இந்த பட்டியலில் அருணாச்சலபிரதேசம் மிக மோசமான இடத்தில் உள்ளது. அந்த மாநிலத்தில் பாலியல் பலாத்காரத்துக்கு எதிராக வழக்கு தொடுத்த பெண் குழந்தைகள் 2071ம் ஆண்டுக்கு முன் தீர்ப்பை எதிர்பார்க்க முடியாது என புள்ளி விபரங்கள் தெரிவிக்கின்றன.

Categories: India
Image

​பெண் வழக்கறிஞரை பாலியல் வன்கொடுமை செய்த மூத்த வழக்கறிஞர்..!

July 16, 2018 3 views Posted By : shanmugapriyaAuthors
Image

டெல்லியின் சாக்கெட் நீதிமன்றத்தில், மூத்த வழக்கறிஞர் ஒருவர், பெண் வழக்கறிஞரை பாலியல் வன்கொடுமை செய்துள்ள சம்பவம் பரபரப்பை ஏற்படுத்தியுள்ளது. 

நேற்று முன் தினம் இரவு நடைபெற்ற இந்த சம்பவம் குறித்து பாதிக்கப்பட்ட பெண் வழக்கறிஞர், காவல்துறையில் புகாரளித்துள்ளார். பெண் வழக்கறிஞர் அளித்த புகாரின் அடிப்படையில், மூத்த வழக்கறிஞரை கைது செய்து காவல்துறையினர் விசாரணை நடத்தினர். விசாரணையில், பெண் வழக்கறிஞரின் அறைக்கு மதுபோதையில் சென்ற மூத்த வழக்கறிஞர், பலவந்தமாக அவரை பாலியல் வன்கொடுமைக்கு ஆளாக்கியுள்ளார் என்பது தெரியவந்துள்ளது.

இது தொடர்பாக, பாதிக்கப்பட்ட பெண் வழக்கறிஞரை மருத்துவ சோதனைக்கு உட்படுத்தி அறிக்கைகள் பெறப்பட்டுள்ளதாக, காவல்துறை தரப்பில் தெரிவிக்கப்பட்டுள்ளது.

Categories: India
Image

​நிர்பயா வன்கொடுமை வழக்கில் இன்று தீர்ப்பு!

July 09, 2018 16 views Posted By : shanmugapriyaAuthors
Image

டெல்லியில்,ஓடும் பேருந்தில் மருத்துவ மாணவி நிர்பயா கூட்டு பாலியல் வன்கொடுமைக்கு உள்ளாக்கப்பட்டு கொலை செய்யப்பட்ட வழக்கின் மறு சீராய்வு மனுக்கள் மீது உச்சநீதிமன்றம் இன்று தீர்ப்பு அளிக்கிறது. 

டெல்லியில் கடந்த 2012ம் ஆண்டு டிசம்பர் மாதம் 16 ம் தேதி, 6 பேர் கொண்ட கும்பலால் மருத்துவ மாணவி பாலியல் வன்கொடுமை செய்யப்பட்டு கொல்லப்பட்டார். இது தொடர்பாக, 6 பேர் கைது செய்யப்பட்டு சிறையில் அடைக்கப்பட்டனர். அவர்களில், ஒருவர் சிறுவன் என்பதால் குறைந்த பட்ச தண்டனை அளிக்கப்பட்டது. முக்கிய குற்றவாளி ராம்சிங் என்பவர் சிறையிலேயே தற்கொலை செய்து கொண்டார். முகேஷ், பவன், வினய், அக் ஷய் ஆகிய 4 பேருக்கு டெல்லி உயர்நீதிமன்றம் மரண தண்டனை விதித்து உத்தரவிட்டது. 

இதனை எதிர்த்து அவர்கள் தாக்கல் செய்த மேல்முறையீட்டு மனுவில், உச்சநீதிமன்றம் அவர்களின் மரண தண்டனையை உறுதி செய்து தீர்ப்பு வழங்கியது. இந்நிலையில், மரண தண்டனையை மறு சீராய்வு செய்யக் கோரி உச்சநீதிமன்றத்தில் தாக்கல் செய்யப்பட்ட மனுக்கள் மீது கடந்த மே 4ம் தேதி தீர்ப்பு ஒத்திவைக்கப்பட்டது. இதனையடுத்து,  உச்சநீதிமன்ற தலைமை நீதிபதி தீபக் மிஸ்ரா தலைமையிலான அமர்வு, இன்று தீர்ப்பு அளிக்க உள்ளது. 

Categories: India
Image

கணவனின் நண்பர்களால் பாலியல் வன்கொடுமைக்கு உள்ளான இளம்பெண்!

June 14, 2018 5 views Posted By : krishnaAuthors
Image

திருத்துறைப்பூண்டி அருகே திருமணம் ஆன இரண்டே வாரத்தில் கணவனின் நண்பர்களால் இளம் பெண் பாலியல் வன்கொடுமை செய்யப்பட்ட சம்பவம் அதிர்ச்சியை ஏற்படுத்தியுள்ளது.

திருவாரூர் மாவட்டம் திருத்துறைப்பூண்டி அருகே செட்டிமூலையை சேர்ந்தவர் வீரசாமி. விவசாய கூலி தொழிலாளியான இவருக்கு நீலாவதி என்ற மனைவியும், லெட்சுமி(24) என்ற மகளும் உள்ளனர். வீராசாமியின் மகள் லெட்சுமிக்கும், திருத்துறைப்பூண்டி அருகே தலைக்காடு கிராமத்தை சேர்ந்த ராஜா என்பவரின் மகன் ராஜேந்திரனுக்கும் (26) கடந்த மாதம் 25ம் தேதி திருமணம் நடைபெற்றுள்ளது. ராஜேந்திரன் புரோட்டா மாஸ்டராக பல்வேறு இடங்களில் பணியாற்றி வருகிறார். 

இந்நிலையில் கடந்த ஜீன் 12ம் தேதி செட்டிமூலையில் உள்ள மணமகள் லெட்சுமி வீட்டில் விருந்து முடிந்து வீடு திரும்பிய போது மணமகன் ராஜேந்திரன் லட்சுமியிடமிருந்து தோட்டை வாங்கி அடமான வைத்து குடித்துள்ளார். பின்னர் இரவு 11மணியளவில் லெட்சுமியை அழைத்து கொண்டு தலைக்காடு பகுதியில் உள்ள தனது இரண்டு நண்பர்களிடம் விட்டு விட்டு வீட்டிற்கு திரும்பியுள்ளார். லெட்சுமி சுமார் 2மணியளவில் வீட்டிற்கு வந்துள்ளார் அவரை ராஜேந்திரன் விடிய விடிய அடித்து துன்புறுத்தியதோடு, லெட்சுமியின் முகத்தை உரலை கொண்டு தாக்கியதாக கூறப்படுகிறது.
 
இந்த சம்பவம் குறித்து தகவலயறிந்த லெட்சுமியின் குடும்பத்தினர் மற்றும் உறவினர்கள், லெட்சுமியை மீட்டு திருத்துறைப்பூண்டி அரசு மருத்துவமனையில் சிகிச்சைக்காக அனுமதித்தனர். மேலும் தன்னை(லெட்சுமி), கணவர்  நண்பர்கள் இருவரும் அழைத்து சென்று விட்டதாகவும் அவர்கள் தன்னை பாலியல் வன்கொடுமை செய்ததாகவும், வீட்டிற்கு திரும்பிய தன்னை கணவர் கடுமையாக தாக்கியதாகவும் கூறி அதிர்ச்சியை ஏற்படுத்தியுள்ளார்.
 
இந்த சம்பவம் குறித்து லெட்சுமியின் குடும்பத்தினர் புகார் தெரிவிக்க மகளிர் காவல் நிலையத்திற்கு சென்ற போது புகாரை பதிவு செய்யாமல் மருத்துவமனையில் காவல்துறையினர் வழக்கு பதிவு செய்வார்கள் என நிராகரித்துள்ளனர். இந்நிலையில், திருத்துறைப்பூண்டி காவல்துறையினர் இச்சம்பவம் குறித்து விசாரணை மேற்கொண்டு வருகின்றனர். ஆனால் இதுவரை வழக்கு பதிவு செய்யப்படவில்லை என கூறப்படுகிறது.

மனைவியை பாலியல் வன்கொடுமை செய்ய, நண்பர்களுக்கு கணவனே உதவிய சம்பவம் அதிர்ச்சியை ஏற்படுத்தியுள்ளது.

Categories: Tamilnadu
Image

14 வயது சிறுமியை 2 ஆண்டுகளாக பாலியல் வன்கொடுமை செய்த அதிர்ச்சி சம்பவம்!

April 26, 2018 4 views Posted By : krishnaAuthors
Image

டெல்லியில் 14 வயது சிறுமியை சொந்த சித்தப்பாவே 2 ஆண்டுகளாக பாலியல் வன்கொடுமை செய்த சம்பவம் அதிர்ச்சியை ஏற்படுத்தி உள்ளது.

டெல்லியின் Jaitpur பகுதியை சேர்ந்த 14 வயது சிறுமிக்கு திடீரென உடல்நிலை குறைபாடு ஏற்பட்டது. இதனை அடுத்து அவரை மருத்துவமனைக்கு கொண்டு சென்று சோதித்த போது அவர் பாலியல் வன்கொடுமைக்கு உள்ளானது தெரிய வந்தது.

இதனைத் தொடர்ந்து சிறுமியிடம் கேட்ட போது 38 வயதான சொந்த சித்தப்பாவே சிறுமியை 2 ஆண்டுகளாக பாலியல் வன்கொடுமை செய்தது தெரிய வந்தது. இதனை அடுத்து மருத்துவமனை நிர்வாகத்தினர் குழந்தைகள் நல அமைப்பிற்கு தகவல் அளித்துள்ளனர்.

குழந்தைகள் நல அமைப்பினர் இது தொடர்பாக காவல்துறையில் புகார் அளித்துள்ளனர். புகாரை பெற்றுக் கொண்ட காவல்துறையினர், குற்றவாளியை கைது செய்து விசாரணை மேற்கொண்டு வருகின்றனர்.

Categories: India
Image
Subscribe to sexual abuse