இன்றைய வானிலை

  • 34 °C / 94 °F

Jallikattu Game

​நாடுமுழுவதும் பெரும் பரபரப்பை ஏற்படுத்திய ஆருஷி கொலை வழக்கில் தீர்ப்பு!

October 12, 2017
Image
  • Image SHARE
  • Image TWEET
  • Image SHARE
10422 Views

நாடுமுழுவதும் பெரும் பரபரப்பை ஏற்படுத்திய ஆருஷி கொலை வழக்கில், அவரது பெற்றோரை விடுதலை செய்து, அலகாபாத் உயர்நீதிமன்றம் தீர்ப்பளித்துள்ளது. 

டெல்லி அருகே நொய்டாவைச் சேர்ந்த 14 வயது பள்ளி மாணவி ஆருஷி, கடந்த 2008-ம் ஆண்டு, கழுத்து அறுக்கப்பட்ட நிலையில் அவரது படுக்கை அறையில் சடலமாக கண்டெடுக்கப்பட்டார்.

மறுநாள், ஆருஷியின் வீட்டு சமையல்காரர் ஹேமராஜின் சடலம், மாடியில் கண்டெடுக்கப்பட்டது. இந்த இரட்டைக் கொலை தொடர்பாக, ஆருஷியின் பெற்றோரும், பல் மருத்துவத் தம்பதியுமான தல்வார் மற்றும் நுபுர் தல்வார் ஆகியோர் கைது செய்யப்பட்டனர். நாடுமுழுவதும் பெரும் பரபரப்பை ஏற்படுத்திய இந்த வழக்கை, சிபிஐ விசாரித்து வந்தது.

இதில், ஆருஷி மற்றும் ஹேமராஜ் இடையே தகாத உறவு இருந்ததாகவும், அதனால், ஆருஷியின் பெற்றோரே, அவர்களை கொலை செய்ததாகவும் கூறப்பட்டது. இதனை விசாரித்த, காசியாபாத் நீதிமன்றம், கடந்த 2013ஆம் ஆண்டு, தல்வார் மற்றும் நுபுல் தல்வாருக்கு ஆயுள் தண்டனை விதித்தது.

இதனை எதிர்த்து, தல்வார் தம்பதியினர் அலகாபாத் உயர் நீதிமன்றத்தில் மேல்முறையீடு செய்தனர். இந்த வழக்கில் இன்று தீர்ப்பளித்த நீதிமன்றம், தல்வார் தம்பதியினரை விடுதலை செய்து உத்தரவிட்டது. இந்த தம்பதியினருக்கு எதிரான குற்றங்கள் நிரூபிக்கப்படவில்லை என்றும், சந்தேகத்தின் அடிப்படையில் தண்டனை வழங்கக்கூடாது எனவும் நீதிபதிகள் தங்களது தீர்ப்பில் குறிப்பிட்டுள்ளனர்.

Categories: இந்தியா
Image
Image தொடர்புடைய செய்திகள்

இந்தியாவின் முதல் ஸ்மார்ட் கிராஸ்ஓவர் எலக்ட்ரிக் பைக்கை

வரலாற்றிலேயே முதல் முறையாக தொடர்ந்து 6 நாட்களுக்கு திருப்பதி

உத்தரப்பிரதேசம் மாநிலத்தில், பாலியல் இச்சைக்கு இணங்காத

கர்நாடகாவில் நல்லாட்சியை கொடுக்க கால அவகாசம் தராமல் என்னை

தற்போதைய செய்திகள் Jul 16
மேலும் படிக்க...
Image
Image

பெட்ரோல் டீசல் விலை தமிழ்நாடு

  • பெட்ரோல்
    ₹ 79.93 /Ltr (₹ 0.06 )
  • டீசல்
    ₹ 72.48 /Ltr (₹ 0.05 )